მსოფლიოში ცნობილი მულტიპლიკატორი ბავშვობაში სიღარიბეში ცხოვრობდა, თუმცა იმედს არასოდეს კარგავდა და ოცნებობდა, რომ ოდესმე სახელგანთქმული მხატვარი გახდებოდა, გადაიღებდა მულტიპლიკაციურ ფილმებს და ააშენებდა ისეთ გასართობ ცენტრს, სადაც ყველა იმხიარულებდა... მან ოცნება რეალობად აქცია... გზა ოცნებიდან მის ასრულებამდე - რთული იყო, წარმატებას თან სდევდა მარცხი, თუმცა უოლტ დისნეი ყოველ გამოწვევას ახალი იდეით უპირისპირდებოდა და ჯიუტად განაგრძობდა ზღაპრული სამყაროს შექმნას.