მაიკლ არმსტრონგის `ადამიანური რესურსების მართვის სახელმძღვანელო~ 40 წელზე მეტია, დიდ ბრიტანეთსა და მთელ მსოფლიოში ადამიანურ რესურსებთან მუშაობის ყველა ასპექტის ეტალონურ სახელმძღვანელოდაა მიჩნეული, ამიტომაც მასზე დაყრდნობით ათასობით HR სპეციალისტია მომზადებული. წიგნმა პირველი გამოცემიდან – ანუ 1977 წლიდან – დღემდე 14 გამოცემას გაუძლო, ათეულობით ენაზე ითარგმნა (და ითარგმნება) და მრავალმილიონიანი ტირაჟით იყიდება. მუდმივი განახლების ერთ-ერთი საფუძველი თანამედროვე მეცნიერებაში, ტექნოლოგიებსა თუ საკუთრივ ადამიანური რესურსების სფეროში დანერგილი სიახლეები და ცვლილებებია.