ყველაზე მდიდრები და გავლენიანები, წარმატებულები და იღბლიანები, საქმიანები და შრომისმოყვარეები და, რაც მთავარია, ბიზნესის გენიები სწორედ ამ ჟურნალის ფურცლებზე იყრიან თავს. ეს მსოფლიოს უნივერსალური გამოცემაა, ენციკლოპედიაა: ერთდროულად ისტორიაც და ცხელ-ცხელი ამბების დასტაც; ფაქტიც, მოვლენაც და კომენტარიც; ანალიზიც და ცხოვრების გზამკვლევიც. ეს არის სამყარო, რომელიც ერთი საუკუნის წინ შეიქმნა და მაინც მუდამ ახალია... ამ სამყაროს Forbes-ი ან B. C. Forbes-ი ჰქვია! 1917 წელს ჟურნალისტისა და მწერლის, ბერტი ჩარლზ ფორბსის დაარსებულ ჟურნალს დღესაც ეს საგვარეულო აკონტროლებს. "ბიზნესის გენია" ფორბსებსა და მათ უნიკალურ ჟურნალზე - Forbes-ზე მოგითხრობთ.