ცვლილებებმა შესაძლოა თქვენი თანამშრომლები ცოტა აანერვიულოს და დაძაბოს. ეს შეიძლება დაკავშირებული იყოს სხვა კომპანიასთან შერწყმასთან, სრულ რეორგანიზაციასთან ან ხანდახან ადამიანური რესურსების მართვის პოლიტიკაში მცირე ცვლილებასთანაც კი. ნებისმიერ ზემოთ ჩამოთვლილ, ან სხვა მსგავსი პროცესების დროს, ინფორმაცია თქვენს თანამშრომლებს ნათლად უნდა მიაწოდოთ;

• აუცილებლად დაიწყეთ კონტექსტისა და მიზეზების ახსნით: განმარტეთ რა არ მუშაობს ამ მომენტში და როგორ წაადგება ეს ცვლილება კომპანიას;

• მაგალითად, ისაუბრეთ იმაზე, თუ რა პრობლემებს აწყდებიან თქვენი მომხმარებლები ცვლილებების სამიზნე ფაქტორების გამო, რა დამატებითი ხარჯების გაღება უწევს კომპანიას ამ მიზეზებით და ა.შ და ნათლად აჩვენეთ, როგორ შეძლებს ეს ცვლილება არსებული პრობლემების მოგვარებას.

• ესაუბრეთ თანამშრომლებს იმაზე, თუ როგორ შეცვლის ეს სიახლეები თითოეული მათგანის საქმიანობასა და ყოველდღიურად შესასრულებელ დავალებებს. მათ უნდა ჰქონდეთ პასუხი კითხვაზე, “რას ნიშნავს ეს ცვლილება ჩემთვის?”.

ნუ ეცდებით მოსალოდნელი უხერხულობებისა და სირთულეების შელამაზებას. ნუ ეცდებით მანიპულირებას იმის თქმით, რომ “ამის შესახებ საუბარი რთულია” თქვენთვის. ამის ნაცვლად, იყავით გულწრფელი და ეცადეთ მაქსიმალურად ამოწუროთ ის კითხვები და საჭიროებები, რაც თქვენს თანამშრომლებს ამ სიტუაციაში შეიძლება ჰქონდეთ.

წყარო: HBR.com